Yeni Kaledoniyanın müstəqilliyi uğrunda əsas hərəkat olan Kanak və Sosialist Milli Azadlıq Cəbhəsi (Le Front de libération nationale kanak et socialiste, FLNKS) tərəfdarlarını rəsmi Parisin kanak xalqının razılığı olmadan siyasi nizamlamanı zorla qəbul etdirmək cəhdlərinə qarşı dinc səfərbərliyə və müqavimətə çağırıb.

Bu barədə “Report” Fransanın “Le Monde” nəşrinə istinadən məlumat verir.

"Biz fəal qüvvələrimizə öz siyasətini zorla qəbul etdirmək niyyətində olan dövlətə dinc şəkildə "dur" deməyə çağırış edirik", - FLNKS-in siyasi bürosunun üzvü, həmkarlar ittifaqı xadimi Mari-Pyer Qoyeş bu gün Numeada keçirilən mətbuat konfransında bildirib.
Videobağlantı ilə mətbuat konfransa qoşulan FLNKS-in sədri Kristian Teyn Fransa Prezidenti Emmanuel Makronun şəxsən təklif etdiyi sazişi "məcburi" adlandırıb.

Kaledoniya İttifaqının baş katibi və FLNKS-in siyasi bürosunun üzvü Dominik Foşi qeyd edib ki, cəbhə Bujival sazişi layihəsini regionun müstəqilliyi uğrunda mübarizənin əsasları ilə uyğun olmaması səbəbindən rəsmi qaydada rədd edir.

Fransanın dənizaşırı ərazilər üzrə dövlət naziri Manuel Vals bildirib ki, o, Bujival sazişini qorumaq üçün avqustun 18-dən Yeni Kaledoniyaya səfər edəcək. O, bu sazişi bütün tərəflərin, o cümlədən FLNKS nümayəndə heyətinin iştirakı ilə aylarla davam edən işin bəhrəsi kimi təqdim edir.

Oxşar xəbərlər

Yeni Kaledoniyada müstəqillik tərəfdarları referendumu nəzərdə tutmayan Bujival razılaşmasından imtina edib

Yeni Kaledoniyanın müstəqilliyi uğrunda hərəkat Bujival sazişini rədd edib

Bakı Təşəbbüs Qrupu Kanak xalqını təbrik edib

BTQ Kanak xalqını Makron iqtidarı üzərində uğur qazanması münasibətilə təbrik edib