ABŞ Prezidenti Donald Tramp Ukrayna üzrə danışıqların uğurlu olacağına əmin deyil.

“Sizinxeber.az” xəbər verir ki, bunu ABŞ-nin vitse-prezidenti Cey Di Vens “Fox News” telekanalına müsahibəsində deyib.

"Prezident bu gün mənə dedi: "Bəlkə, bu, işə yarayacaq. Bəlkə də, olmayacaq. Amma cəhd etməyə dəyər", - o bildirib.

Vitse-prezident ABŞ və Rusiya liderlərinin görüşünü ABŞ diplomatiyası üçün mühüm irəliləyiş adlandırıb.

Onun sözlərinə görə, Vaşinqton məsələnin həlli üçün indiki təmas xəttindən başlayır və həm rusiyalıların, həm də ukraynalıların yaşaya biləcəyi həll yolu tapmaq istəyir.

“Əgər biz Rusiya ilə Ukrayna arasında mövcud təmas xəttini götürsək, həm rusiyalıların, həm də ukraynalıların nisbətən dinc yaşaya bildiyi nizamlanmaya nail olmağa çalışacağıq", - o deyib.

Bununla yanaşı Vens vurğulayıb ki, ABŞ Ukrayna hərbi sənayesini maliyyələşdirməyi dayandırır və diqqətini sülh yolu ilə nizamlanmaya nail olmağa yönəldir.

"Prezident və mən hesab edirik ki, ABŞ Ukraynanın hərbi sənayesini kifayət qədər maliyyələşdirib. Amerikalılar pullarını, vergilərini bu münaqişəyə göndərməkdən yorulublar", - vitse-prezident qeyd edib.

Oxşar xəbərlər

Vens: ABŞ 100 gün ərzində Ukrayna üzrə birbaşa danışıqlar təşkil etmək niyyətindədir

Vens: Moskva və Kiyevin razılığa gələ bilməyəcəyi halda ABŞ Ukrayna ilə bağlı sülh prosesindən çıxacaq

ABŞ Ukrayna və Rusiyaya "sülh ilə bağlı dəqiq təkliflər" verib

Vens: ABŞ yaxın 100 gün ərzində Rusiya və Ukrayna arasında birbaşa danışıqların başlanmasına çalışacaq

ABŞ-nin vitse-prezidenti: Tanqo rəqsi üçün iki nəfər lazımdır