Fransanın cənubundakı Od departamentində baş verən meşə yanğını 600 hektardan çox üzüm bağını məhv edib və bölgədəki şərabçılar hökumətin köməyinə ümid edirlər.

“Sizinxeber.az” BFMTV-yə istinadən xəbər verir ki, bunu Sen-Loran-de-la-Kabreris şəhərinin meri Ksavye de Volontas respublikanın baş naziri Fransua Bayru ilə söhbətində deyib.

"Bu, kənd təsərrüfatı və iqtisadi fəlakətdir. 600 hektar üzüm bağı yanıb", - o qeyd edib.

Merin sözlərinə görə, rayon şərabçıları son üç mövsümdə quraqlıq səbəbindən artıq problemlərlə üzləşiblər, lakin bu il onlar yaxşı məhsula ümid edirdilər, lakin üzüm yığımına bir ay qalmış hər şey odda məhv olub.

De Volontas Bayrudan “hökumətin şərabçılara ciddi dəstək olub-olmayacağını” soruşsa da, telekanal siyasətçinin cavabını göstərməyib.

Oxşar xəbərlər

Fransada son 76 ilin ən böyük yanğınları qeydə alınıb

Cəlilabadda üzüm yığımı davam edir, məhsulun qiyməti iki dəfə ucuzlaşıb 

Cəlilabadda üzüm yığımı yekunlaşıb, bu il məhsul ötənilkindən bol olub 

Bu il Yakutiyada 3 milyon hektardan çox meşə yanıb

Fransanın cənubunda meşə yanğını tüğyan edir