Meksika Hərbi Dəniz Qüvvələrinin Sunami Xəbərdarlıq Mərkəzi Kamçatkada baş verən zəlzələdən sonra respublikanın qərb sahilləri üçün sunami təhlükəsi barədə xəbərdarlıq edib.

“Sizinxeber.az” xarici mətbuata istinadən xəbər verir ki, dalğaların hündürlüyü 1 metrə çata bilər.

“Xəbərdarlıq ləğv olunana qədər çimərliklərdən uzaq olmaq tövsiyə olunur. Limanların girişlərində güclü axınlar gözlənilir, ona görə də limanlardakı gəmilərə xüsusi diqqət yetirilməlidir”, - məlumatda əlavə edilib.

Qeyd edək ki, bu səhər Kamçatkada 8,7 bal gücündə zəlzələ baş verib. Regional Səhiyyə Nazirliyinin məlumatına görə, təcili yardım briqadalarına müraciətlərin sayı artıb.

Hakimiyyət orqanları xidmət və şöbələrin işini əlaqələndirmək üçün regional qərargah yaradıb.

Eyni zamanda 30 sm hündürlüyündə sunami dalğası Yaponiyaya çatıb, Saxalin vilayətində Severo-Kurilsk limanı və balıqçılıq müəssisəsi su altında qalıb.

Oxşar xəbərlər

Severo-Kurilsk limanı və “Alaid” balıqçılıq müəssisəsi su altında qalıb

Kamçatkada ardıcıl üç zəlzələ olub, sunami xəbərdarlığı edilib

Rusiyada güclü zəlzələ olub, ölkələrdə sunami təhlükəsi edilib və insanlar təxliyə edilir

Rusiyada güclü zəlzələ olub, üç ölkədə sunami təhlükəsi edilib və insanlar təxliyə edilir

ABŞ-də 7 maqnitudada zəlzələ olub, sunami xəbərdarlığı edilib - YENİLƏNİB