Hər iki ölkənin ABŞ prezidenti Donald Trampın təklif etdiyi atəşkəs danışıqlarına razı olmasına baxmayaraq, dördüncü gündür ki, Kamboca və Tailand mübahisəli sərhədləri boyu zərbələr endirirlər.

“Report”un “CNN”ə istinadən verdiyi xəbərə görə, zərbələr Trampın davam edən döyüşlərin iki Cənubi Asiya ölkəsi ilə Vaşinqton arasında ticarət razılaşmalarına xələl gətirəcəyi ilə hədələməsindən bir neçə saat sonra yenidən başlayıb.

Tailand və Kamboca rəsmilərinin bildirdiyinə görə, Birləşmiş Millətlər Təşkilatı, ABŞ və Çinin döyüşləri dayandırmaq çağırışına baxmayaraq davam edən toqquşmalar cümə axşamı günündən bəri ən azı 32 nəfərin ölümünə və 200 mindən çox insanın didərgin düşməsinə səbəb olub.

Bu arada hər iki tərəf son sərhəd toqquşmasının başlamasında bir-birini günahlandırıb. Belə ki, Tailand hakimiyyəti hərbi əməliyyatları dayandırmağa hazır olmadıqlarını bildirib və Kambocanı Surin əyalətində, sərhəddə və bir sıra digər ərazilərdə mülki əraziləri ağır artilleriya atəşinə tutmaqda ittiham edib.

Oxşar xəbərlər

Tailand Kamboca ilə sərhəddə mübahisəli zirvəni nəzarətə götürüb

ABŞ Kamboca və Tailand arasındakı münaqişənin sülh yolu ilə həllinə çağırıb

Kamboca və Tailand liderləri atəşkəs üçün görüşməyə hazırlıqlarını təsdiqləyiblər

Tailand-Kamboca sərhədində silahlı toqquşmalarda 15 nəfər ölüb, 46 nəfər yaralanıb

Tailand və Kamboca atəşkəsə razılaşıb