Bu gün Belçikada Milli Gün qeyd edilir. Bu, 1831-ci ildə Belçika İnqilabı kimi tanınan cənub Belçika katoliklərinin Niderland protestant hökmdarlarına qarşı üsyanından sonra ölkənin ilk müstəqil kralı I Leopoldun taxta çıxması ilə bağlıdır.

"Report"un Avropa bürosunun xəbərinə görə, cəmiyyətdə Valloniya (frankofonlar) və Flandriya (niderlandlılar) arasında ciddi ziddiyyətlərə baxmayaraq, bu gün hamı yekdilliklə saçlarında, döş nişanlarında və ya üz boyasında bayraq şəklində üçrəngli rənglərlə bəzədilir və parada çıxır.

Bu cür bayramlar uşaqlara xüsusi sevinc bəxş edir, onları təkcə valideynləri deyil, həm də hərbi qulluqçular, yanğınsöndürənlər, polis əməkdaşları və digər xidmət və bölmələrin nümayəndələri əyləndirirlər.

Uşaqlar hərbçilərin və polis əməkdaşlarının nəzarəti altında qüllələrə qalxır və oradan kəndirlərlə enir, fövqəladə hallar xidmətləri ilə birlikdə manikenlərə ilkin tibbi yardım göstərir, pilotsuz uçuş aparatlarına nəzarət edir, ağır bədən zirehi və dəbilqələrini sınayırlar.

Küçələrdə musiqi orkestrləri, nağaraçılar isə təşəkküllə gedirlər. Hərbi parad mütləqdir və siz döyüş təyyarələrinin, ağır bombardmançıların və helikopterlərin uçuşlarını izləyə bilərsiniz. Bayram axşam saatlarında atəşfəşanlıqla başa çatır.

Brüsseldə Belçikanın Milli Günü qeyd etməsindən fotoreportajı təqdim edirik.

Oxşar xəbərlər

Niderland və Belçika ilk dəfə olaraq minatutan gəmilərini Ukraynaya təhvil verib

Niderland millisinin sabiq futbolçusu Belçika klubunun baş məşqçi postundan ayrılıb

Belçika Kralı Azərbaycan Prezidentini təbrik edib

Belçikada nüvə obyektlərini hərbçilər mühafizə edəcək

Belçika Ukraynaya ildə bir milyard avroluq silah tədarük etməyi planlaşdırır