Belçika hökuməti Ukraynaya ildə bir milyard avro dəyərində silah tədarük etməyi və F-16 qırıcılarının çatdırılmasını sürətləndirməyi planlaşdırır.

“Report” Rusiya KİV-inə istinadən xəbər verir ki, bu barədə Belçikanın müdafiə naziri Teo Franken Avropa İttifaqının xarici işlər və müdafiə nazirlərinin görüşünə gedərkən bildirib.

Belçika atəşkəs əldə edildikdən dərhal sonra Fransa və Böyük Britaniyanın başçılıq etdiyi "Arzuedənlər koalisiyası"nın tərkibində Ukraynaya qoşun göndərməyə hazırdır.

"Belçika Ukraynaya bir milyard avro məbləğində hərbi yardım göstərəcək. Bu tranş artıq təsdiqlənib və biz bu dəstəyi hər il təmin etməyə hazırıq", - Franken bildirib.

O həmçinin qeyd edib ki, Belçika F-16-ları razılaşdırılmış müddətdən daha tez tədarük etməyə çalışır.

Oxşar xəbərlər

Belçika Ukraynaya 1 milyard avro ayırıb

Belçika Ukraynaya hərbçilərini göndərə bilər

Belçika Ukraynaya üç ədəd haubitsa verə bilər

Almaniya bu il Ukraynaya təxminən 7,1 milyard avro məbləğində silah tədarük edib

Avropa İttifaqı Ukraynaya 6 milyard avro hərbi yardım ayırmaq istəyir