Rusiya Silahlı Qüvvələrinin Ukraynanın paytaxtı Kiyevə qarşı dronlar və raketlərdən istifadə edilməklə hücumu nəticəsində ən azı 12 nəfər xəsarət alıb.

"Report"un məlumatına görə, bu barədə Kiyev Şəhər Dövlət Administrasiyasının rəhbəri Timur Tkaçenko bildirib.

"İnsanlar tibbi yardım üçün müraciət etməyə davam edirlər. Təəssüf ki, artıq 12 yaralı var", - deyə o "Telegram"da edib.

Şəhərin meri Vitali Kliçko dəqiqləşdirib ki, doqquz nəfər xəstəxanaya yerləşdirilib, üç nəfərə yerində yardım göstərilib.

Şəhər administrasiyasının məlumatına görə, Ukraynanın paytaxtının Şevçenkovski, Darnitski, Solomenski, Qoloseevski, Podolski, Obolonski rayonlarında zərbələr qeydə alınıb.

Oxşar xəbərlər

Rusiyanın Kiyevə raket hücumu nəticəsində təxminən 20 nəfər xəsarət alıb

Kiyevə raket hücumu - ölən və yaralananlar var

Kiyevə hücum nəticəsində doqquz nəfər həlak olub, 70 nəfər yaralanıb - YENİLƏNİB

Rusiya ordusu Kiyev bombalayıb, ölənlər və yaralılar var

Rusiya ordusu Kiyevi bombalayıb, ölənlər və yaralılar var