ABŞ prezidenti Donald Tramp Rusiyaya qarşı sanksiyaların sərtləşdirilməsi haqqında qanun layihəsini yalnız səlahiyyətlərinin genişləndiriləcəyi təqdirdə dəstəkləməyə hazırdır.

"Report"un məlumatına görə, bu barədə "Politico" qəzeti Ağ Evdəki mənbələrə istinadən bildirib.

Nəşr qeyd edir ki, qanun layihəsi hazırkı formasında prezidentə "Rusiya nefti və uranı alan ölkələrə qarşı 500 faizlik rüsumları 180 gün müddətinə ləğv etmək" imkanı verir. Eyni zamanda, layihənin həmmüəllifi olan senator Lindsi Qrem (Cənubi Karolina ştatından respublikaçı - red.) layihəni elə şəkildə yenidən nəzərdən keçirməyə razılaşıb ki, Trampın Konqresin icazəsi ilə rüsumları təkrar ləğv etmək imkanı olsun.

Qəzetin məlumatına görə, dövlət başçısı qanun layihəsini yalnız "daha çox nəzarət əldə edəcəyi" təqdirdə "imzalamağa hazırdır".

Oxşar xəbərlər

Tramp Rusiyaya qarşı yeni sanksiyalar haqqında qanun layihəsini dəstəkləyir

Tramp Senatdan Rusiyaya qarşı sanksiyalara hələlik baxmamağı xahiş edib

Rusiya Ukrayna ilə sazişdən imtina edərsə, ABŞ ona sanksiyalar tətbiq edə bilər

Trampın xüsusi nümayəndəsi: Rusiyaya qarşı yeni sanksiyalar hazırdır

ABŞ Konqresinə Rusiyaya qarşı yeni sanksiyalarla bağlı qanun layihəsi təqdim olunacaq