ABŞ Prezidenti Donald Tramp bəyan edib ki, İran nüvə proqramının beynəlxalq yoxlamalarına razılıq verməyib və uranın zənginləşdirilməsindən imtina etməyib.

"Report" "Reuters"ə istinadən xəbər verir ki, bunu prezident Nyu-Cersiyə gedərkən təyyarədə jurnalistlərə bildirib.

"Deyərdim ki, onların proqramı həmişəlik dayandırılıb. Əgər onlar yenidən başlamağa cəhd etsələr, böyük ehtimalla, başqa bir obyektdə olacaq. Əgər başlasalar - bu problem olacaq", - D.Tramp qeyd edib.

ABŞ Prezidenti, həmçinin vurğulayıb ki, İranın nüvə proqramının bərpasına imkan verməyəcək.

Qeyd edək ki, İran parlamenti artıq Atom Enerjisi üzrə Beynəlxalq Agentlik (AEBA) ilə əməkdaşlığın nüvə infrastrukturunun təhlükəsizliyi və toxunulmazlığı təmin edilənə qədər dayandırılması haqqında qanun qəbul edib.

Oxşar xəbərlər

İran XİN: Uranın zənginləşdirilməsindən imtina etməyəcəyik

Pezeşkian AEBA ilə əməkdaşlığın dayandırılması haqqında qərar verib

İran XİN uranın zənginləşdirilməsinə qoyulan qadağaları “qırmızı xətt” adlandırıb

İran Prezidenti: Uranın zənginləşdirilməsini dayandırmayacağıq

İran AEBA-nı nüvə fəaliyyəti ilə bağlı məlumatlandırmayacaq