Serbiyada etirazçılar sosial media vasitəsilə daha əvvəl saxlanılmış aksiyaçıların dərhal azad edilməsi və növbədənkənar parlament seçkilərinin keçirilməsi də daxil olmaqla, "tələblər yerinə yetirilənə qədər" öz rayonlarında yolların, küçələrin və kəsişmələrin tam bloklanmasına başladıqlarını elan ediblər.

Bu barədə “Sizinxeber.az” TASS-a istinadən xəbər verir.

"Dünən və bu gün vətəndaşların və tələbələrin ultimatumuna əməl olunmamasından və kütləvi həbslərdən sonra Serbiyanın hər yerində vətəndaşların toplantıları öz bələdiyyələrində kəsişmələri, yolları və küçələri bağlamaq qərarına gəliblər. Tələblər yerinə yetirilənə qədər!", - təşkilatçılar sosial şəbəkədə bildiriblər.

Serbiya Baş nazirinin müavini və daxili işlər naziri İvitsa Daçiç bildirib ki, polis zorakılıq törətməkdə şübhəli bilinən tələbələrin həbsinə etiraz edən aksiyalarının iştirakçılarının bazar günü axşam toplaşdığı Belqraddakı vəziyyəti diqqətlə izləyəcək. O, həmçinin vətəndaşları polislə toqquşmaya səbəb ola biləcək vəziyyətlər yaratmamağa çağırıb.

Serbiya Prezidentinin regional məsələlər üzrə müşaviri və Serb Tərəqqi Partiyasının sədri Miloş Vuçeviç bazar günü səhər saatlarında ölkənin səlahiyyətli orqanlarını Belqrad və digər şəhərlərdə davam edən küçə etirazlarına və yol blokadalarına dərhal reaksiya verməyə çağırıb.

Oxşar xəbərlər

Serbiyada etirazçılar ən böyük nəqliyyat qovşağını bağlayıblar

Çin Serbiyada etirazlar fonunda Prezidenti dəstəkləyib

Serbiyada vağzal binasının talvarı uçub, 13 nəfər həlak olub