Kanada azad ticarət razılaşması olmayan ölkələrdən polad idxalına 50 % rüsum tətbiq edib.

“Sizinxeber.az” xəbər verir ki, bu barədə hökumət məlumat yayıb.

“Bu gün maliyyə və milli gəlirlər naziri Fransua-Filipp Şampan azad ticarət sazişinə daxil olmayan ölkələrdən Kanadaya idxal edilən polad məhsulları üçün yeni tarif kvotalarının tətbiq edildiyini açıqlayıb”, - açıqlamada bildirilir.

Qərara əsasən, kvota 2,6 milyon ton polad olaraq müəyyən edilib. Hökumət hesab edir ki, bu müvəqqəti ticarət tədbiri əvvəlcə ABŞ üçün nəzərdə tutulan poladın Kanadaya yönəldilməsi riskini aradan qaldırmaqla ölkənin polad bazarını sabitləşdirməyə kömək edəcək.

Tarif səviyyəsinə onun məqsədəuyğunluğunu və effektivliyini təmin etmək üçün 30 gün ərzində yenidən baxılacaq.

"Hökumət lazım gəldikdə əlavə addımlar atmağa hazırdır və ABŞ-nin tarifləri ilə bağlı vəziyyətin necə inkişaf etməsindən asılı olaraq cavabının məqsədəuyğunluğunu qiymətləndirməyə davam edəcək", - hökumətdən bildirilib.

Oxşar xəbərlər

Tramp ABŞ-yə polad və alüminium idxalına 25 % rüsum tətbiq edib

Kanada gömrük rüsumlarının tətbiqi ehtimalına görə ABŞ-yə polad tədarükünü artırır

Kanada bəzi ABŞ mallarını altı ay müddətinə rüsumdan azad edəcək

Tramp Kanadanın poladı və alüminiumuna rüsumları artırmaqdan imtina edib

ABŞ-nin Kanadaya tətbiq etdiyi polad və alüminium rüsumları 50%-ə çata bilər