Hindistanın qərbində “Air India” aviaşirkətinə məxsus "Boeing 787 Dreamliner" təyyarəsinin qəzaya uğraması nəticəsində 310-dan çox insan həlak olub.

"Sizinxeber.az" xəbər verir ki, bu barədə "The New Indian Express" polis mənbələrinə istinadən məlumat yayıb.

Nəşrin məlumatına görə, polis qəzaya uğrayan təyyarənin göyərtəsində olan 240-dan çox insanın öldüyünü təsdiqləyib. Daha 75 nəfər təyyarənin hava limanı yaxınlığında qəzaya uğradığı yerdə ölüb.

“Air India” aviaşirkətinə məxsus “Boeing 787 Dreamliner” təyyarəsinin qəzaya uğramasına hər iki mühərrikin dayanması səbəb ola bilərdi.

“Sizinxeber.az” xəbər verir ki, bu barədə Hindistanın “News 18” telekanalı mənbələrə istinadən məlumat yayıb.

Məlumata görə, hər iki mühərrik sıradan çıxdıqdan sonra pilot aviadispetçerlərə qəza siqnalı göndərib.

“Reuters” agentliyinin məlumatına görə, insident nəticəsində təyyarədə və yerdə 290-dan çox insan ölüb.

Təyyarənin qəzaya uğradığı yerdə fövqəladə xidmətlər işlərini davam etdirir. Qara qutuların tapılması ilə bağlı hələlik heç bir məlumat yoxdur.

Xatırladaq ki, bu gün “Boeing” təyyarəsi havaya qalxdıqdan dərhal sonra Əhmədabad hava limanı yaxınlığında qəzaya uğrayıb. Qəzadan əvvəl pilotlar qəza siqnalı göndərə biliblər.

Londona uçmalı olan təyyarənin göyərtəsində 10 ekipaj üzvü və göyərtə bələdçiləri də daxil olmaqla 242 nəfər olub. Qəzadan yalnız 1 nəfər sağ çıxıb.

Oxşar xəbərlər

Hindistanda “Boeing” təyyarəsinin qəzaya uğradığı yerdə 204 nəfərin meyiti tapılıb - YENİLƏNİB-5

Hindistanda qəzaya uğrayan təyyarədə olan 242 nəfərin hamısı həlak olub - YENİLƏNİB-4

Hindistanda sərnişin təyyarəsi qəzaya uğrayıb, 170 nəfər həlak olub - YENİLƏNİB-3

Hindistanda sərnişin təyyarəsi qəzaya uğrayıb, 133 nəfər həlak olub - YENİLƏNİB-3

Hindistanda “Boeing” təyyarəsinin qəzaya uğradığı yerdə 60 nəfərin meyiti tapılıb