Nüvə Silahlarının Yayılmaması Müqaviləsinin (NPT) on birinci İcmal Konfransı Nyu-Yorkda BMT binasında üç həftəlik müzakirə və araşdırmalardan sonra heç bir nəticə əldə olunmadan öz işini başa çatdırıb.

"Report" xəbər verir ki, bunu İranın xarici işlər nazirinin müavini Kazım Qəribabadi "X" sosial şəbəkə hesabında yazıb.

"Ötən bir il ərzində İranın təminat altındakı dinc nüvə obyektlərinin Amerika və İsrail tərəfindən iki dəfə hücuma məruz qaldığı və bu məsələnin on birinci konfransın ən vacib narahatlığı olmalı olduğu halda, təəssüf ki, İranın mülki hədəflərinə, infrastrukturuna və günahsız vətəndaşlarına qarşı hərbi hücumları qınamayıblar", - o bildirib.

K. Qəribabadinin sözlərinə görə, təminat öhdəlikləri və Təhlükəsizlik Şurasının qətnamələrinə əməl etmədiyinə görə qınanan tərəf İran olub:

"İran tam qətiyyətlə bu ölkələrin öz siyasi məqsədlərinə çatmalarına icazə verməyib. On birinci konfrans Qərb ölkələrinin tələblərinə görə, yekun sənəd təsdiqlənmədən uğursuzluqla nəticələnib".

Qeyd edək ki, konfrans ötən gün yekunlaşıb və BMT-nin baş katibi Antonio Quterreş nüvə silahlarının yayılmaması müqaviləsi üzrə yekun sənəd üzərində konsensusun əldə olunmamasına görə məyus olduğunu bildirib.

یازدهمین کنفرانس بازنگری معاهده عدم اشاعه هسته‌ای (ان‌پی‌تی) پس از سه هفته بحث و بررسی در محل سازمان ملل متحد در نیویورک بدون هیچ نتیجه‌ای روز گذشته به کار خود پایان داد.

در حالی که طی یک سال گذشته تاسیسات هسته‌ای صلح‌آمیز تحت پادمان ایران دو بار از سوی رژیم‌های آمریکا و…

— Gharibabadi (@Gharibabadi) May 23, 2026

Oxşar xəbərlər

İran XİN: Ölkənin nüvə obyektlərinə hücum uzunmüddətli nəticələrə səbəb olacaq

İran XİN: Uranın dinc məqsədlər üçün zənginləşdirilməsini davam etdirəcəyik

İran Nüvə Silahlarının Yayılmaması haqqında Müqavilədən çıxacağını istisna etmir

BMT-də nüvə silahlarının yayılmaması haqqında müqavilənin yekun sənədi razılaşdırılmayıb

İran XİN: Uranın zənginləşdirilməsindən imtina etməyəcəyik