Bu gün Parisdə Avropa liderlərinin Ukraynaya dəstək məsələlərinə həsr olunmuş sammiti keçirilib.

Sizinxeber.az xəbər verir ki, media ilə söhbət zamanı siyasətçilər Rusiyaya qarşı sanksiyaların ləğvinin vaxtının hələ gəlmədiyini bildiriblər.

"Rusiya sülh danışıqlarını uzatmağa, oyun oynamağa çalışır və bu bizə tamamilə aydındır", - İngiltərənin baş naziri Keir Starmer bildirib.

Onun sözlərinə görə, sammit iştirakçıları razılaşıblar ki, Kiyev Ukraynanın həm indi, həm də gələcək danışıqlarda mümkün olan ən güclü mövqe tutmasına əmin olmaq üçün daha çox dəstəyə ehtiyac duyur.

Starmer həmçinin deyib ki, indi sanksiyaları ləğv etməyin vaxtı deyil.

"Əksinə, biz bu qrup ölkələrin növbəti təzyiqi ilə ABŞ-ın Rusiyanı danışıqlara cəlb etmək təşəbbüsünü dəstəkləmək üçün sanksiyaları necə gücləndirə biləcəyimizi müzakirə etdik", - o deyib.

Onun sözlərinə görə, görüşdə həmçinin Ukraynada “yerdə, havada və ya dənizdə” istənilən atəşkəs və sülhə dəstək üçün gələcək “hərbi və əməliyyat” planları müzakirə edilib.

Oxşar xəbərlər

Kir Starmer: Rusiya indi atəşkəsə razı olmalıdır

Avropa ölkələrinin liderləri Ukrayna üzrə fövqəladə sammit keçirəcək

Zelenski Rusiyaya qarşı sanksiyaların yumşaldılması şərtlərini açıqlayıb

Aİ Rusiyaya qarşı sanksiyaları uzadıb

Starmer: ABŞ ilə Aİ arasında seçim etmək yanlışdır