Ukrayna Prezidenti Vladimir Zelenski Münxen Təhlükəsizlik Konfransındakı çıxışında Avropanın Ordusunu yaratmağı təklif edib.

O bildirib ki, Rusiyanı dayandırmaq üçün Avrozona ölkələrinin orduları kifayət etməyəcək.

Ukraynanın lideri bu məqsədlə silah-sursat, hərbi təlimlər, sanksiyalar, maliyyə dəstəyi, siyasi təzyiq üsullarından istifadənin zəruri olduğunu deyib.

V. Zelenskinin daha bir açıqlaması isə Belarusla bağlı olub. Belə ki, o kəşfiyyat məlumatlarına əsasən yay aylarında Rusiya ordusunun 150 min nəfərlik şəxsi heyətinin NATO ölkələrinə qarşı hücumlar məqsədilə Belarusa göndəriləcəyini deyib.

“Bizdə bununla bağlı dəqiq kəşfiyyat məlumatları var. Rusiya həmin addımını hərbi təlimlərlə izah edəcək. Xatırlayırsınızsa, üç il əvvəl də hadisələr analoji şəkildə başlamışdı. Nəticədə Ukraynaya genişmiqyaslı hərbi müdaxilə edildi. NATO üzvü olan üç ölkə ilə həmsərhəd Belarus Rusiyanın hərbi əməliyyatları üçün plasdarm rolundadır”.

Oxşar xəbərlər

Ukrayna Prezidenti: Nüvə silahı istəmirik, vaxtında imtina etdiyimizə görə, müharibə ilə qarşılaşdıq

Alman kəşfiyyatı NATO və Aİ-yə kiberhücumların arxasında Rusiyanın dayandığını açıqlayıb

Zelenski: Tramp müharibəni tez bitirmək istədiyini açıqlayıb

Zelenski: ABŞ-nin Ukraynanın NATO-ya daxil olması ilə bağlı mövqeyi müsbətə doğru dəyişib