Avropa Komissiyasının Prezidenti Ursula von der Leyen NATO-nun Baş katibi Mark Rutte ilə görüşüb.

APA Avropa Komissiyasına istinadən xəbər verir ki, görüşdə Aİ və Alyans arasındakı sıx və strateji tərəfdaşlığın əhəmiyyəti müzakirə edilib.

Onlar Şimali Koreya qoşunlarının Rusiyanın işğalçılıq müharibəsinə dəstək olaraq göndərməsinin Ukraynaya qarşı müharibənin əhəmiyyətli dərəcədə genişlənməsinə, Avropanın təhlükəsizliyinə və qlobal sülhə ciddi təhdid olduğunu vurğulayıblar.

Onlar, həmçinin avtoritar dövlətlərin dünya səhnəsində artan iddialılığını müzakirə ediblər: "Bu dövlətlər bir çox vasitələrdən siyasi, iqtisadi, texnoloji və hərbi vasitələrdən istifadə edərək bizim ümumi maraqlarımıza, dəyərlərimizə və demokratik prinsiplərimizə meydan oxuyurlar".

Qeyd edilib ki, bu təhdid və çağırışları həll etmək üçün Von der Leyen və Rutte mövcud Aİ-NATO əməkdaşlığını gücləndirmək üçün yeni yüksək səviyyəli işçi qrupu yaratmaq barədə razılığa gəliblər.

Oxşar xəbərlər

Von der Leyen: Şimali Koreyanın Rusiyaya qoşun göndərməsi qlobal sülhü təhdid edir

Mark Rütte: Rusiyanın destruktiv addımlarının qarşısının alınması NATO-nun prioritetlərindəndir

Bayden: "Ukraynadakı münaqişə NATO-nu təhdid edir"

Ursula von der Leyen İranın İsrailə hücumunu pisləyib

Ursula von der Leyen Kiyevə gedib