"NATO-nun əsas prioritetləri regionun müdafiəsinin gücləndirilməsi, Rusiyanın destruktiv addımlarının qarşısının alınması, eləcə də milyarda yaxın insanın təhlükəsizliyinin təminatından ibarətdir".

APA alyansın saytına istinadən xəbər verir ki, bunu NATO-nun baş katibi Mark Rütte quruma üzv ölkələrin müdafiə nazirlərinin Brüssel görüşündə bildirib.

Alyans üzvlərini Rusiyanın rəhbər tutduğu ritorikadan agah edən M. Rütte əlavə edib ki, nüvə təhlükəsizliyinin təminatı NATO üçün hər zaman olduğu kimi bu gün də prioritet məsələdir.

Baş katibin qənaətincə, bu xüsusda müdafiə sənayesi istehsalının artırılması, habelə yeni texnologiyaların tətbiqi təhlükəsizliyin vacib elementini təşkil edir.

Qeyd edək ki, oktyabrın 17-də NATO-nun müdafiə nazirləri ilk dəfə olaraq Avstraliya, Yaponiya, Cənubi Koreya və Yeni Zelandiyadam olan həmkarları ilə təhlükəsizlik, eləcə də Ukrayna məsələsi, o cümlədən Çin, Şimali Koreya və İranın Rusiyaya dəstəyini müzakirə ediblər.

Oxşar xəbərlər

Praqada NATO-nun Hərbi Komitəsinin iclası keçiriləcək

Mark Rutte: Ukraynanın layiqli yeri NATO-dadır

Bu il Rusiya hərbi təyyarələri 300 dəfə NATO hava məkanına yaxınlaşıb

NATO gələn həftədən nüvə təlimlərinə başlayır

Bayden: "Ukraynadakı münaqişə NATO-nu təhdid edir"