ABŞ və Böyük Britaniya BMT-nin Baş Assambleyasının 79-cu Sessiyası çərçivəsində Ukrayna ordusunun Rusiyaya zərbələr endirməsinə qoyulan məhdudiyyətləri aradan qaldırdığını elan edə bilər.

Sizinxeber.az-nın məlumatına görə, bu iddia ilə “Politico” nəşri çıxış edib.

Müəllif yazıb ki, ABŞ-nin dövlət katibi Antoni Blinken Varşava səfəri çərçivəsində bununla bağlı müzakirələrin aparıldığını qeyd edib. Araşdırma məqaləsində Ukrayna Prezidenti Vladimir Zelenskinin sentyabrın 12-də verdiyi bəyanata da istinad edilir.

İddia olunur ki, Böyük Britaniya bu icazənin verildiyini rəsmi Vaşinqtondan daha əvvəl elan etməyi planlaşdırır. Ekspertlərin qənaətinə görə, Ukraynaya veriləcək bu icazə müharibənin taleyi üçün həlledici rol oynayacaq.

Qeyd edək ki, sentyabrın 24-dən 30-dək Nyu-Yorkda BMT Baş Assambleyasının 79-cu Sessiyası baş tutacaq.

Oxşar xəbərlər

Blinken Zelenski ilə Bayden arasında görüş keçiriləcəyini açıqlayıb

Bayden Britaniya Baş naziri ilə Ukraynanın Rusiyanı uzaq mənzilli silahlarla vurması imkanını müzakirə edəcək

KİV: İran Rusiyaya 200 ədəddən çox ballistik raket göndərib