Ukraynanın Almaniyanın “Taurus” raketlərinə bənzər uzaqmənzilli raketləri mövcuddur.

APA xəbər verir ki, bu barədə Ukraynanın müdafiə naziri Mixail Fedorov Almaniyanın müdafiə naziri Boris Pistorius ilə Kiyevdə keçirilən brifinqdə deyib.

“Əgər “Taurus”dan danışırıqsa, əlbəttə ki, hazırda bizdə oxşar və daha böyük məsafədə işləyən raketlər var. Amma belə zərbə vasitələri heç vaxt çox olmur”, – Fedorov bildirib.

Nazir qeyd edib ki, Ukrayna daha çox zərbə vasitəsi əldə etməyə hər zaman açıqdır.

“Əslində, bu istiqamətdə artıq müəyyən müstəqillik əldə edirik. Hamımız Rusiya ərazisinə 1500 kilometr məsafədə endirilən zərbələri gördük. Buna görə də Ukrayna öz “ev tapşırığını” yaxşı yerinə yetirir”, – o əlavə edib.

Qeyd edək ki, Almaniyanın “Taurus” raketləri 500 kilometrlik uçuş məsafəsinə malikdir.

Oxşar xəbərlər

Britaniya “Taurus” raketlərinin Ukraynaya ötürülməsində Almaniyanı dəstəkləyir

Merts: “Taurus" sistemləri yalnız Avropa tərəfdaşları ilə razılaşdırıldıqdan sonra Ukraynaya göndərilə bilər"

Merz: Almaniyanın Ukraynaya “Taurus” raketləri tədarük etmək planı yoxdur

Merz “Taurus” raketlərinin Kiyevə verilməsini müdafiə edir

Şolts “Taurus” raketlərinin Ukraynaya mümkün tədarükünü səhv addım adlandırıb