Ötən gecə Rusiyanın Ukraynaya hücumunda əksəriyyəti “Şahed” tipli 103 dron və 4 raketdən istifadə edilib.

Sizinxeber.az xəbər verir ki, bununla bağlı Ukrayna Prezidenti Volodimir Zelenski “X” platformasında məlumat verib.

“Dünən İstanbuldakı görüşdə dərhal və tam atəşkəslə bağlı təklifimiz Rusiya tərəfinə bir daha təkrarlandı. Cavabında olaraq Rusiya dronları yaşayış binalarını və Odessadakı Prıvoz bazarını, Çerkassıdakı yaşayış binalarını, Xarkov regionunda enerji infrastrukturunu və Zaparojyedə bir universitetin idman zalını hədəf aldı. Donetsk, Sumı və Mikolaiv regionları da zərbələr altında idi. Xarkovda 3 nəfər həlak olub, 10 nəfərdən çox insan xəsarət alıb”, - Ukrayna Prezidenti bildirib.

O vurğulayıb ki, Ukrayna diplomatiyanın nəticə verməsi üçün bütün səyləri göstərəcək, amma müharibəni başlayan tərəf Rusiya olduğu kimi, bitirməli olan tərəf də Rusiyadır.

Oxşar xəbərlər

Rusiya bu gecə Ukraynaya hücumunda 597 drondan istifadə edib

Zelenski: Sentyabrda Rusiya Ukraynaya qarşı 640-dan çox “Şahed” pilotsuz təyyarəsindən istifadə edib

Zelenski Rusiyanın Ukrayna ərazisinə 300-dən çox dron və 30 raket buraxdığını bildirib

Zelenski Rusiyanı sərt cavab tədbirləri ilə hədələyib

Zelenski ötən gecə Ukraynaya hücum edən PUA-ların çoxunun İran istehsalı olduğunu açıqlayıb