İsrailin paytaxtı Təl-Əvivdə hökumət əleyhinə etiraz aksiyası iğtişaşlarla başa çatıb.

Sizinxeber.az xəbər verir ki, İsrail polisinin mətbuat xidmətinin məlumatına görə, ictimai asayişi pozan ümumilikdə 62 nəfər saxlanılıb.

Nümayişçilər mayın 28-i axşam saatlarında Təl-Əvivin mərkəzində İsrailin baş naziri Binyamin Netanyahunun rəhbərlik etdiyi “Likud” partiyasının yerli qərargahı yaxınlığında toplaşıblar.

“The Times of Israel” yazır ki, aksiya iştirakçıları Netanyahunun girovlarla bağlı danışıqlara münasibətinə qarşı çıxaraq bütün oğurlananların dərhal azad edilməsini tələb ediblər.

Daha sonra etirazçılar “Likud”un binasına bitişik küçələrdə nəqliyyatın hərəkətini kəsib, alov yandırmağa cəhd edib, hüquq-mühafizə orqanlarının əməkdaşları ilə toqquşublar.

Bir qrup nümayişçi binanın içərisinə girə bilib və orada barrikada qurmağa cəhd edib.

Polis iğtişaşlara çevrilən aksiyanı qanunsuz elan edib, bütün etirazçıları zorla küçəyə çıxarıb və mitinqi dağıdıb.

Daxili İşlər Nazirliyinin mətbuat xidmətinin məlumatına görə, izdihamın dağıdılması zamanı iki polis əməkdaşı yaralanıb.

Oxşar xəbərlər

Təl-Əvivdə asayişi pozan beş nümayişçi saxlanılıb

Bir qrup insan Ağ Evin qarşısında Netanyahunun Baydenlə görüşünə etiraz edib - FOTO

İsraildə Qəzzadakı girovların azad edilməsi üçün kütləvi aksiyalar keçirilib

KİV: Təl-Əvivdə müdafiə nazirinin istefasından sonra etirazçılar əsas magistral yolu bağlayıb

Britaniya BCM-in Netanyahunun həbsinə order verməsinə etiraz etməyəcək