Ermənistan Baş nazirinin müavini Mqer Qriqoryan Ali Avrasiya İqtisadi Şurasının iclasında çıxış edərək, İrəvanın Avrasiya İqtisadi İttifaqı (Aİİ) çərçivəsində qarşılıqlı faydalı əməkdaşlığın inkişafına sadiqliyini təsdiqləyib.

“News.am”-ın xəbərinə görə, iclas Qazaxıstanda Prezident Kasım-Jomart Tokayevin sədrliyi ilə keçirilib.

“Ermənistan bundan sonra da birliyin işində qarşılıqlı hörmət, bərabərhüquqlu tərəfdaşlıq və Aİİ-yə üzv olan bütün dövlətlərin milli maraqlarının nəzərə alınması əsasında xoşməramlı şəkildə iştirak etmək niyyətindədir”, - Baş nazirin müavini bildirib.

Qriqoryanın sözlərinə görə, İrəvan Avrasiya inteqrasiyasını həm ayrı-ayrı ölkələrin, həm də bütövlükdə regionun iqtisadi sabitliyini və davamlı inkişafını təmin etmək üçün mühüm vasitə hesab edir.

Qeyd edək ki, Ermənistanın Baş naziri Nikol Paşinyan qarşıdan gələn seçkilərlə əlaqədar Astanada keçirilən sammitdə iştirak etmir.

Xatırladaq ki, Kreml Ermənistan sakinlərini Aİ və Aİİ-yə üzv olmaq barədə qərar qəbul etməyə çağırıb.

Oxşar xəbərlər

Overçuk: Ermənistan Avrasiya İqtisadi İttifaqı və Aİ arasında seçim etməli olacaq

Overçuk: Aİ-yə daxil olması Ermənistan üçün Avrasiya İqtisadi İttifaqı bazarını bağlayacaq

Rusiya hökuməti: Ermənistanın Avropa İttifaqı ilə ticarəti Avrasiya İqtisadi İttifaqından dəfələrlə azdır

İranın Avrasiya İqtisadi İttifaqına üzvlüyü ilə bağlı müraciətə baxılıb

Astanada Aİİ sammiti keçirilir, Ermənistanın Aİ-yə qoşulmaq planlarının müzakirəsi gözlənilir