Fələstin hərəkatı HAMAS vasitəçilərə bildirib ki, Qəzza sektorunda atəşkəs barədə sonuncu təklifi heç bir düzəliş etmədən qəbul etməyə hazırdır.

Sizinxeber.az xəbər verir ki, bu barədə Asharq Al-Awsat qəzeti mənbələrə istinadla məlumat yayıb.

Onların məlumatına görə, hərəkatın Qəzzadakı lideri Xalil əl-Hayyanın başçılıq etdiyi nümayəndə heyəti bu həftə Qahirədə keçirilən görüşlərdə Qətər və Misir vasitəçilərinə sonuncu təklifə qayıtmaq barədə qərarını çatdırıb. Həmin təklif 60 günlük atəşkəsi, İsrail qüvvələrinin yenidən yerləşdirilməsini və anklavda saxlanılan 10 girovun azad edilməsini nəzərdə tuturdu. Mənbələrin sözlərinə görə, vasitəçilərə yeni mövqeləri barədə rəsmi məlumat verən hərəkat guya "qoşunların çıxarılması ilə bağlı təqdim etdikləri düzəlişlərdən, həmçinin hərəkatın və onun hərbi qanadının irəli sürdüyü bəzi digər məsələlərdən və fələstinli məhbusların azad olunması ilə bağlı tələblərdən imtina edib". Beləliklə, HAMAS tam təşəbbüsü İsrailə ötürüb.

Oxşar xəbərlər

HAMAS Qəzzada atəşkəslə bağlı təklifə müsbət cavab verib

İsrail və HAMAS-a atəşkəslə bağlı yenilənmiş təklif təqdim olunub

HAMAS ABŞ-ın İsraillə atəşkəs təklifi ilə razılaşıb

HAMAS İsrail əsilli amerikalı əsiri bu gün azad edəcək

HƏMAS Qəzzadakı döyüşçülərini geri çəkməyə hazırdır