Yəmənin cənubundakı Əbyən əyaləti sahillərində miqrantları daşıyan qayığın batması nəticəsində ölənlərin sayı 55-ə çatıb.

APA xəbər verir ki, əyalətinin Zincibar rayonunun səhiyyə idarəsinin müdiri ölənlər arasında bir Yəmən vətəndaşının da olduğunu bildirib.

Məlumata görə gəmidə 100-dən çox efiopiyalı olub və onlarla adam hələ də itkindir.

Qeyd edək ki, Yəmən Afrika ölkələrindən, xüsusilə Efiopiya və Somalidən olan qeyri-qanuni miqrantlar üçün tranzit məntəqəsi hesab olunur.

Qeyri-qanuni afrikalı miqrantların əksəriyyəti Körfəz ölkələrinə, xüsusən də Səudiyyə Ərəbistanına getmək arzusu ilə Cibuti vasitəsilə Yəmənə keçirlər.

Oxşar xəbərlər

Cibuti sahillərində iki miqrant qayığı batıb, 45 nəfər ölüb

Yəməndə miqrantları daşıyan qayıq çevrilib, 13 nəfər ölüb

Seneqal sahillərində qeyri-qanuni miqrantları daşıyan qayıq batıb, 26 nəfər ölüb

Türkiyə sahillərində qanunsuz miqrantları daşıyan qayıq batıb