Dövlət Departamenti: Faydalı qazıntılarla bağlı Vaşinqton-Kiyev sazişi Ukraynanın milli təhlükəsizliyini möhkəmləndirəcək

Vaşinqton və Kiyev arasındakı faydalı qazıntılar üzrə saziş Ukraynanın milli təhlükəsizliyinin gücləndirilməsinə töhfə verəcək.

Sizinxeber.az xəbər verir ki, bu barədə ABŞ Dövlət Departamentinin mətbuat xidmətinin rəhbəri Temmi Bryus jurnalistlər üçün keçirilən brifinqdə bəyan edib.

“Bu saziş Birləşmiş Ştatlarla Ukrayna arasında iqtisadi tərəfdaşlığı möhkəmləndirir”, — deyə o bildirib.

Bryusun sözlərinə görə, bu, sadəcə maliyyə xarakterli bir razılaşma deyil:

“Bu, iki ölkə arasında münasibətləri dərinləşdirən və Ukraynadakı vəziyyəti müsbət istiqamətdə dəyişəcək əməkdaşlıqdır”.