ABŞ və Ukrayna təbii resurslarla bağlı saziş çərçivəsində ümumilikdə üç sənəd imzalayıblar.

Sizinxeber.az xəbər verir ki, bu barədə "Politico" nəşri mənbələrə istinadla məlumat yayıb.

Nəşrin yazdığına görə, sazişin imzalanması əvvəlcə 28 fevral tarixində, ABŞ Prezidenti Donald Tramp və Ukrayna Prezidenti Volodimir Zelenski arasında Ağ Evdə keçirilən görüş zamanı yaşanan gərginlik səbəbindən baş tutmamışdı. Son günlərdə də isə sazişin taleyi qeyri-müəyyən idi.

"Ukrayna əsas iqtisadi müqavilə və iki texniki razılaşmanı imzalamaqla bağlı tərəddüd edirdi", – deyə "Politico" qeyd edir.

Mənbələrin bildirdiyinə görə, ABŞ Maliyyə Nazirliyi bu məsələdə sərt mövqe nümayiş etdirib. Nəticədə, Ukrayna son anda sənədlərə dəyişiklik edilməsini tələb etdikdən sonra tərəflər hər üç sənədi imzalayıblar.

Oxşar xəbərlər

Zelenski minerallara dair sazişin detallarını açıqlayıb

Tramp: Vaşinqton və Kiyev arasında faydalı qazıntılarla bağlı saziş aprelin 24-də imzalanacaq

Ukrayna və ABŞ arasında mineral resurslarla bağlı sazişin mübahisəli müddəası razılaşdırılıb

Zelenski: Ukrayna bu ay bir neçə HHM sistemi alacaq

ABŞ ilə Ukrayna arasında minerallarla bağlı razılaşma imzalanmayıb, prezidentlərin birgə mətbuat konfransı ləğv edilib