Ağ Ev ABŞ-ın Birləşmiş Millətlər Təşkilatındakı səfiri vəzifəsinə Eliz Stefanikin namizədliyini geri götürüb.

APA xəbər verir ki, bu barədə ABŞ Prezidenti Donald Tramp “Truth Social” hesabında bildirib.

"Missiyamızı yerinə yetirmək üçün vahid olmalıyıq və Eliz Stefanik lap əvvəldən səylərimizin mühüm hissəsi olub. Mən ən böyük müttəfiqlərimdən biri kimi Elizdən Konqresdə qalmasını xahiş etmişəm", - Tramp qeyd edib.

Onun yerinə kimin namizəd olacağı barədə heç bir açıqlama verilməyib.

Tramp noyabrda keçirilən seçkilərdə qalib gəldikdən qısa müddət sonra ABŞ-ı beynəlxalq qurumda təmsil etmək üçün Respublikaçı Eliz Stefaniki seçmişdi.

Oxşar xəbərlər

Tramp Stefanikə ABŞ-ın BMT-dəki daimi nümayəndəsi vəzifəsini təklif edib

Donald Tramp FTB rəhbəri vəzifəsinə Kəş Patelin namizədliyini irəli sürüb

Tramp biznesmen Stivensi ABŞ-ın Böyük Britaniyadakı səfiri vəzifəsinə irəli sürüb

Tramp səhiyyə naziri vəzifəsinə Robert Kennedinin namizədliyini irəli sürür

Tramp Rusiya-Amerika fondunun sabiq rəhbərini Estoniyadakı səfir vəzifəsinə namizəd göstərib