ABŞ-də sahibkar İlon Maskın rəhbərlik etdiyi Hökumətin Səmərəliliyi Departamenti (DOGE) artıq ABŞ hökumətinin gündə 1 milyard dollar qənaət etdiyini və bu rəqəmi gündə 3 milyard dollara çatdıracağını iddia edib.

APA xəbər verir ki, bu barədə idarənin “X” hesabındakı açıqlamasında bildirilir.

"DOGE federal hökumətə gündə təxminən 1 milyard dollar qənaət edir. Əsasən lazımsız vəzifələr üçün işə qəbulu dayandırmaq, DEI (müxtəliflik, bərabərlik və inkluzivlik) proqramlarını ləğv etmək və xarici qurumlara əsassız ödənişlərə son qoymaq - hamısı prezidentin sərəncamlarına uyğun olaraq. Bu, əla başlanğıcdır, lakin biz bu rəqəmi gündə 3 milyard dollardan çox artırmalıyıq", - deyə bəyanatda deyilir.

Qeyd edək ki, İlon Mask ABŞ prezidenti Donald Tramp tərəfindən DOGE - Hökumətin Səmərəliliyi Departamenti adlı agentliyin rəhbəri vəzifəsinə təyin edilib.

Oxşar xəbərlər

Tramp Ukraynaya 300 milyard dollara yaxın vəsaitin ayrılmasını tənqid edib

İlon Maskın sərvəti 400 milyard dolları ötüb

Bloomberg: İlon Mask 235 mlrd. dollar sərvətlə dünyanın ən zəngin şəxsidir

İlon Maskın sərvəti 400 milyard dolları keçib

"Bloomberg": Mask 400 milyard dollarlıq sərvəti ilə dünyanın ən zəngin insanı olub