Azərbaycanlı rəssam Raminə Səadətxan Kiprin Limassol şəhərində keçirilən "VIMA 2026" beynəlxalq incəsənət sərgisində Latviya qalereyası tərəfindən təqdim olunan solo stendlə iştirak edərək böyük uğura imza atıb.

"Report" xəbər verir ki, rəssam sərgidə təqdim etdiyi əsərlərlə ziyarətçilərin xüsusi diqqətini cəlb edib və keçirilən səsvermənin nəticələrinə əsasən "Audience Choice" mükafatına layiq görülərək birinci yerə çıxıb.

Ramina Saadatkhanın fərdi ekspozisiyası insanın daxili dünyası, emosional transformasiya və intuitiv hisslər mövzularını əhatə edən əsərlərlə beynəlxalq auditoriyada böyük maraq doğurub. Onun rəng və forma üzərində qurduğu özünəməxsus vizual dili sərginin ən çox müzakirə olunan təqdimatlarından biri kimi qiymətləndirilib.

"VIMA 2026" çərçivəsində əldə olunan bu uğur Azərbaycan müasir incəsənətinin beynəlxalq platformalarda daha geniş tanınması baxımından mühüm hadisə hesab olunur.

Oxşar xəbərlər

Azərbaycan Almaniyada beynəlxalq incəsənət sərgisində təmsil olunur

Dövlət Xidməti beynəlxalq mükafatına layiq görülüb

Azərbaycan Rabat Beynəlxalq Kitab Sərgisində təmsil olunur

Bakıda RAK İncəsənət Fondunun rəssamlarının əsərlərinin sərgisi açılıb

Heydər Əliyev Beynəlxalq Aeroportu qlobal reytinqdə növbəti uğura imza atıb