2024-cü ilin hazırlıq planına əsasən, Azərbaycan və Türkiyə respublikalarının Hərbi Dəniz Qüvvələrinin (HDQ) sualtı hücum və sualtı müdafiə bölmələri ilə qardaş ölkədə "SAT-SAS-2024" birgə təlimi keçirilir.

Sizinxeber.az xəbər verir ki, bu barədə Azərbaycan MN-dən bildirilib.

Türkiyə Respublikasının Marmaris şəhərinin Aksaz dəniz bazasında keçirilən birgə təlimdə dəniz xüsusi təyinatlıları hədəf gəmilərinin zəbt edilməsi üzrə tapşırıqları yüksək peşəkarlıqla yerinə yetirib.

Təlimin növbəti günlərində plana əsasən, hər iki ölkənin xüsusi təyinatlı bölmələri quru və dəniz döyüş taktikalarının işlənməsi, helikopterdən enmə üsullarının yerinə yetirilməsi, şərti sahil ərazisinin zəbt edilməsi, partlamamış döyüş sursatlarının və dəniz minalarının axtarışı, eləcə də məhv edilməsi üzrə tapşırıqları icra edəcəklər.

Birgə təlim noyabrın 29-dək davam edəcək.

Oxşar xəbərlər

HDQ-də "Partlayıcı sursatların zərərsizləşdirilməsi" kursu keçirilir - VİDEO

Hərbi Dəniz Qüvvələrinin dəniz piyadalarının təlimi keçirilir - VİDEO

Azərbaycan Ordusunun döyüş gəmiləri və dəniz piyadalarının təlimi keçirilib - VİDEO

Xəzərdə keçirilən "Dalğa-2024" birgə taktiki təlimi başa çatıb - VİDEO

Azərbaycan hərbçiləri Aralıq dənizində keçirilən "Mavi Balina - 2024" təlimində iştirak ediblər