Müdafiə naziri general-polkovnik Zakir Həsənovun təsdiq etdiyi 2024-cü ilin hazırlıq planına uyğun olaraq, Hərbi Hava Qüvvələrinin (HHQ) bölmələri ilə hava desant və praktiki paraşüt tullanışları üzrə məşqlər keçirilir.

APA Müdafiə Nazirliyinə istinadən xəbər verir ki, məşqlər zamanı paraşüt-desant və axtarış-xilasetmə xidmətinin mütəxəssisləri, eləcə də uçuş heyəti tərəfindən praktiki paraşüt hazırlığı üzrə müxtəlif tapşırıqlar icra olunur.
Həmçinin təyin olunmuş nöqtəyə havadan yüklərin atılması üzrə fəaliyyətlər də yerinə yetirilir.
Əsas diqqətin hərbi qulluqçuların paraşüt tullanışları vərdişlərinin təkmilləşdirilməsi, eləcə də onların döyüş və xüsusi hazırlıq səviyyəsinin daha da artırılmasına yönəldildiyi məşqlərdə şəxsi heyət qarşıya qoyulmuş tapşırıqları yüksək peşəkarlıqla yerinə yetirirlər.

Oxşar xəbərlər

Hava Hücumundan Müdafiə Qoşunlarının taktiki-xüsusi təlimi keçirilir - VİDEO

”Birləşdik - 2024” təlimində iştirak edən heyət vətənə qayıdıb - FOTO

Azərbaycan Ordusunun Mühəndis bölmələrinin döyüş hazırlığı təkmilləşdirilir - VİDEO

Hava hücumundan müdafiə bölmələri S-300 “Favorit” zenit-raket kompleksləri ilə təlim keçirib - VİDEO

Azərbaycan Ordusunun helikopterləri döyüş hazırlığı məşqləri keçirib - VİDEO