Azərbaycan HDQ-nin gəmiləri "Xəzri-2025" birgə taktiki təlimi üçün yola düşüb.

APA xəbər verir ki, bu barədə Müdafiə Nazirliyi məlumat yayıb.

Azərbaycan və Qazaxıstan respublikalarının Müdafiə nazirlikləri arasında 2025-ci il üçün imzalanmış birgə fəaliyyət planına əsasən, hər iki ölkənin Hərbi Dəniz Qüvvələrinin (HDQ) gəmilərinin və hərbi qulluqçularının iştirakı ilə keçiriləcək "Xəzri-2025" birgə taktiki təlimi üçün Azərbaycan HDQ-nin gəmiləri və şəxsi heyəti Bakıdan yola düşüb.
Qeyd edək ki, Xəzər dənizinin Qazaxıstan Respublikasına məxsus ərazi sektorunda keçiriləcək birgə taktiki təlimin məqsədi Azərbaycan və Qazaxıstan hərbi dənizçilərinin peşəkarlıqlarının daha da artırılması və qarşılıqlı təcrübə mübadiləsinin aparılmasıdır.

Oxşar xəbərlər

Xəzərdə Azərbaycan-Qazaxıstan birgə taktiki təlimi keçiriləcək

Azərbaycan-Qazaxıstan birgə taktiki-xüsusi təlimi keçirilir

Azərbaycan və İran Xəzər dənizində “AZIREX-2024” birgə taktiki təlimi keçirəcək - FOTO - VİDEO - YENİLƏNİB

Azərbaycan Ordusunun döyüş gəmiləri və dəniz piyadalarının təlimi keçirilib - VİDEO

Azərbaycan ilə Özbəkistan arasında kompüter dəstəkli taktiki komanda-qərargah təlimi keçiriləcək