Azərbaycan BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) keçirilməsi zamanı Dubay təcrübəsini mənimsəyə və ölkədə davamlı turizmi gücləndirmək üçün istifadə edə bilər.

Bunu “Report”a müsahibəsində Dubayın İqtisadiyyat və Turizm Departamentinin Asiya-Sakit Okean regionu üzrə beynəlxalq əməliyyatlar üzrə regional direktoru Şahab Şayan bildirib.

Onun sözlərinə görə, Dubay turizmdə ekoloji dayanıqlılığı təmin etmək üçün layihələri fəal şəkildə həyata keçirir: “Məsələn, COP28-a hazırlıq infrastrukturun inkişafı, həmçinin mehmanxana və turizm sektorunda ekoloji cəhətdən məsuliyyətli təcrübələrin tətbiqi üçün əhəmiyyətli səylər daxil idi. Biz, Azərbaycana COP29-a hazırlıq prosesində hərtərəfli dəstək verməyə hazırıq”, - regional direktor qeyd edib.

Qeyd edək ki, 2023-cü ilin noyabrın 30-dan dekabrın 12-dək Dubayda BMT-nin İqlim Dəyişmələri haqqında Çərçivə Konvensiyasının (COP28) Tərəflər Konfransının 28-ci sessiyası keçirilib. COP29-un Azərbaycanda keçirilməsi ilə bağlı qərar Dubayda elan edilib.

Azərbaycan BMT çərçivəsində öhdəliklərə hələ 2015-ci ildə qoşulub- Paris iqlim sazişi (198 ölkə imzalayıb), istixana effekti səbəbindən qlobal istiləşmə ilə bağlı dünya dövlətlərinin narahatlığını bölüşür.

Şahab Şayanın “Report”a geniş müsahibəsini buradan oxuya bilərsiniz.

Oxşar xəbərlər

Dubayın turizm üzrə regional direktoru: "Azərbaycanda davamlı turizmin inkişafına hərtərəfli dəstək göstərməyə hazırıq" - MÜSAHİBƏ

Şahab Şayan: “Bu il Azərbaycandan Dubaya gələn turistlərin sayı 62 % artıb”

Qazaxıstan rəsmisi: Ölkəmiz COP29-a böyük ümidlər bəsləyir

Ekspert: “COP29-un Azərbaycanda keçirilməsi qlobal problemlərin həllində strateji təşəbbüsdür”

BMT-nin faktaraşdırıcı missiyası Azərbaycandadır