18 yaşadək qız basketbolçulardan ibarət Azərbaycan millisinin Avropa çempionatının B divizionundakı hədəfi açıqlanıb.

Bu barədə "Sizinxeber.az"a yığmanın baş məşqçisi Evren Alkaya açıqlama verib.

O, hədəflərinin bacardıqları qədər oyunlarda qalib gəlmək olduğunu bildirib:

"Tariximizdə ilk dəfə B divizionunda mübarizə aparacağıq. Buradakı komandaların, demək olar ki, hamısı qadın basketbolunda aparıcı yığmalardır. Həqiqətən yaxşı tarixə sahibdirlər. Rəqiblərimiz güclüdür, amma qarşılaşmalarda mübarizə aparacağıq".

E.Alkaya Azərbaycanın qadın basketbolunda elə də böyük uğurlarının olmadığını söyləyib:

"İki il hazırlaşdırdığımız qızlar Avropa çempionatında bir az zəif çıxış edə bilərlər. Amma təlim-məşq toplanışlarında və qatılacağımız turnirlərdə bunu üst səviyyəyə qaldırmağa çalışacağıq. Aprel və may aylarında Türkiyənin paytaxtı Ankarada bir neçə oyunda iştirak etdik. Komandamız 6 görüşdə qalib gəldi, 2-də məğlub oldu. Mayın 19-dan isə növbəti təlim-məşq toplanışı start götürəcək. U-18 B divizionundakı matçlardan əvvəl daha bir turnirə qatılacaq. Qızlara inanırıq, çox istəklidirlər. Amma bir az zamana ehtiyac var. Mən və texniki heyət də əlindən gələni edir. Azərbaycanı ən yaxşı şəkildə təmsil etmək niyyətindəyik".

Qeyd edək ki, Azərbaycan millisi B divizionunun C qrupunda Bosniya və Herseqovina, Kosovo, Ukrayna, İslandiya və Litva milliləri ilə üz-üzə gələcək. Matçlar iyulun 4-13-ü aralığında Litvanın Vilnüs və Alitus şəhərlərində təşkil olunacaq.

Oxşar xəbərlər

Türkiyəli mütəxəssis: “Azərbaycan millisinin baş məşqçisi olduğum üçün qürur duyuram”

Azərbaycan millisinin baş məşqçisi: “Avropa çempionatının oyunlarına gənc komanda ilə çıxacağıq"

Azərbaycan millisinin baş məşqçisi: "Bu qarşılaşmalarda əlimizdən gələni edəcəyik"

Azərbaycanın basketbol millisinin ispaniyalı baş məşqçisi: Avropa çempionatındakı çıxışımızı normal qiymətləndirirəm

Azərbaycan yığmasının baş məşqçisi: "Avropa çempionatının II seçmə mərhələsində yaxşı çıxış etməyə çalışacağıq"