Azərbaycanın beynəlxalq dərəcəli hakimi Çempionlar Liqasına təyinat alıb

Azərbaycanın beynəlxalq dərəcəli hakimi Eldar Zülfüqarov Avropa Voleybol Konfederasiyası (CEV) tərəfindən Çempionlar Liqası matçına təyinat alıb.

Azərbaycan Voleybol Federasiyasından “Sizinxeber.az”a verilən məlumata görə, referi kişi voleybolçular arasında E qrupunda yer alan “Levski Sofiya" (Bolqarıstan) və “Çaumont 52" (Fransa) komandalarının qarşılaşmasında birinci hakim olacaq.

Görüşün ikinci hakimi lixtenşteynli Aleksander Sikanyiçdir.

Qeyd edək ki, Bolqarıstanın paytaxtı Sofiya şəhərində keçiriləcək oyun bu gün yerli vaxtla saat 20:00-da başlayacaq.