Azərbaycanın 3x3 basketbol üzrə qadınlardan ibarət yığması Polşanın paytaxtı Varşavada keçirilən dünya çempionatında 4-cü yeri tutub.

"Report" xəbər verir ki, Ratomir Deliçin rəhbərlik etdiyi komanda 3-cü yer uğrunda görüşdə Niderland yığması ilə qarşılaşıb.

Zədəli Brianna Freyzerin iştirak etmədiyi görüşdə millimiz oyunu 3 basketbolçu ilə davam etdirmək məcburiyyətində qalıb. Görüş rəqibin 21:14 hesablı qələbəsi ilə bitib.

Beləliklə, Azərbaycan yığması ilk dəfə iştirak etdiyi dünya çempionatını 4-cü pillədə başa vurub.

20:16

Azərbaycanın qadınlardan ibarət 3x3 basketbol yığması Polşanın paytaxtı Varşavada təşkil olunan Dünya Kubokunun yarımfinalında məğlub olub.

"Report"un məlumatına görə, Ratomir Deliçin baş məşqçisi olduğu kollektiv ABŞ seçməsi ilə üz-üzə gəlib.

Qarşılaşma rəqibin 19:18 hesablı qələbəsi ilə yekunlaşıb.

Qeyd edək ki, Dünya Kubokunda mübarizəyə A qrupunda başlayan Azərbaycan millisi Madaqaskar (21:13), Çexiya (14:11) və Polşanı (20:13) məğlub edib, Niderlanda isə uduzub - 13:19. Komanda pley-in mərhələsində Litvaya (14:12), 1/4 finalda Almaniyaya (18:16) qalib gəlib.

Oxşar xəbərlər

Azərbaycanın 3x3 basketbol millisi Dünya Kubokunun yarımfinalında məğlub olub

Azərbaycanın 3x3 basketbol yığması Dünya Kubokunda 1/4 finala yüksəlib

Azərbaycanın qadınlardan ibarət 3x3 basketbol yığması Dünya Kubokunda növbəti matçını keçirib - YENİLƏNİB

Azərbaycanın 3x3 basketbol yığması Dünya Kubokunda Litva ilə qarşılaşacaq

Azərbaycanın 3x3 qadın basketbol yığması Dünya Kubokunda Çexiyaya qalib gəlib