Portuqaliyalı hücumçu Kriştiano Ronaldo cümə axşamı başlayan Dünya Kubokunda iştirak edən ən çox qazanan futbolçuların siyahısına başçılıq edib.

"Report" xəbər verir ki, bu barədə "Forbes" jurnalı məlumat yayıb.

Səudiyyə Ərəbistanının "Əl-Nəsr" klubunun hücumçusu son 12 ayda 300 milyon dollar qazanıb ki, bunun 235 milyon dolları futboldan, 65 milyon dolları isə reklamlardan əldə edilib. Ronaldo əvvəllər reytinq tarixində rekord maaşla ən çox qazanan idmançıların siyahısına başçılıq edirdi.

Forbes siyahısında cəmi 11 futbolçu yer alıb. Argentinalı Lionel Messi 140 milyon dollarla ikinci, fransalı Kilian Mbappe isə 95 milyon dollarla üçüncü yerdədir. Növbəti sırada norveçli Erlinq Haland (80 milyon dollar), braziliyalı Vinisius (60 milyon dollar), Misirli Məhəmməd Salah (55 milyon dollar), seneqallı Sadio Mane (54 milyon dollar), ingiltərəli Cud Bellinqem (44 milyon dollar), ispaniyalı Lamin Yamal (43 milyon dollar), ingiltərəli Harri Keyn (41 milyon dollar) və braziliyalı Neymar (38 milyon dollar) gəlir.

Dünya Kuboku 11 iyun - 19 iyul tarixlərində ABŞ, Meksika və Kanadada keçiriləcək. Turnirdə ilk dəfə olaraq 48 komanda iştirak edəcək.

Oxşar xəbərlər

Erlinq Holann 25 yaşadək ən çox qazanan idmançıların reytinq siyahısına başçılıq edir

Azərbaycan Rusiyadan şokolad idxal edən ölkələr arasında ikinci yerdədir

Klublararası dünya çempionatının qalibi olan "Çelsi"nin qazancı müəyyənləşib

Məşhur futbolçuların sosial şəbəkə vasitəsi ilə reklamdan əldə etdikləri gəlir bəlli olub

Oveçkin NHL tarixində ən çox pul qazanan hokkeyçi olub