Ağdamın "Qarabağ" klubunun sabiq hücumçusu Juninyo hazırda çıxış etdiyi "Pumas" komandasının heyətində baxımlı qola imza atıb.

Axar.az Qol.az-a istinadla xəbər verir ki, 29 yaşlı braziliyalı forvard Meksika çempionatının 17-ci turu çərçivəsində baş tutan "CF Amerika" ilə gərgin səfər matçında (3:3) komandasının ilk qolunu vurub.

Bu dəqiq zərbə hücumçunun Meksika çempionatında meydana çıxdığı 18-ci oyunda vurduğu 8-ci qol kimi qeydə alınıb.

Qeyd edək ki, 2023-cü ilin yayından 2025-ci ilin əvvəlinə qədər "köhlən atlar"ın formasını geyinən braziliyalı forvard meydana çıxdığı 81 oyunda 42 qol vurub.

O, Premyer Liqada 48 (23 qol), ölkə kubokunda 6 (5 qol), avrokuboklarda 27 (14 qol) matç keçirib. Juninyo "Qarabağ"la ölkə çempionu və kubokunun qalibi olub.

Oxşar xəbərlər

"Qarabağ" Juninyonun “Flamenqo”ya transfer olunduğunu açıqlayıb

Juninyonun “Flamenqo”ya transferi rəsmiləşib

"Qarabağ"ın "Flamenqo"ya keçən hücumçusu Braziliyaya yollanıb