"Kəpəz"in yeni baş məşqçisi Adil Şükürov komandanın qarşısında duran hədəfləri açıqlayıb.

Mütəxəssis bu barədə "Sizinxeber.az"a açıqlama verib.

O, təyinatı ilə bağlı danışıb:

"Mənə güvənən hər kəsə təşəkkürümü bildirirəm. Sanki yenidən öz evimə qayıtdım. Gəncəli azarkeşlər həm futbolu sevir, həm də yaxşı bilirlər. İnşallah, tərəfdarların da dəstəyini hiss edərək, "Kəpəz"də böyük işlər görəcəyik. Klubun yeni rəhbərliyinə təşəkkür edirəm. Məsuliyyətli işin altına girdiyimizi bilirik. Danışıqlar prosesi bir az vaxt apardı və sonda planlarımızı müəyyənləşdirdik".

A.Şükürov tez bir zamanda hazırlığa başlayacaqlarını söyləyib:

"Bəziləri düşünə bilər ki, mövsümün startına hələ vaxt var. Lakin biz komandanı artıq formalaşdırmalıyıq. İnanırıq ki, azarkeşlər yeni mövsümdən etibarən meydanda əzmkar və döyüşkən "Kəpəz" görəcəklər. Bilirsiniz ki, çempionatda komanda sayı artıb. Bu da rəqabətin çoxalması deməkdir".

Qeyd edək ki, "Kəpəz" Adil Şükürovla 2 illik müqavilə imzalayıb. Mütəxəssis bu postda Azər Bağırovu əvəzləyib.

Oxşar xəbərlər

"Kəpəz" baş məşqçisi ilə yollarını ayırıb

"Kəpəz"in yeni baş məşqçisi bəlli olub

"Kəpəz"in yeni baş məşqçisi: Ağır yükün altına girdim

"Kəpəz"in baş məşqçi postuna əsas namizəd müəyyənləşib

"Kəpəz"in sabiq baş məşqçisi: "Əmin idim ki, komanda Premyer Liqanı tərk etməyəcək"