"İnter" ispan mütəxəssisin baş məşqçi postuna təyinatı üçün danışıqlara başlayıb

İtaliya təmsilçisi "İnter" ispaniyalı mütəxəssis Sesk Fabreqasın baş məşqçi postuna təyinatı ilə bağlı "Komo" klubu ilə danışıqlara başlayıb.

"Report" xəbər verir ki, bu barədə məşhur insayder Fabritsio Romano sosial şəbəkə hesabında məlumat yayıb.

"İnter" artıq qarşı tərəfə rəsmi müraciət təqdim edib. Çünki Fabreqasın A Seriyası təmsilçisi ilə müqaviləsinin müddəti 2028-ci ilin yayınadək qüvvədədir.

Qeyd edək ki, "İnter" ötən gün Simone İnzaqi ilə yolları ayırdığını açıqlayıb.