Bakıda keçirilən minifutbol üzrə dünya çempionatında ilk böyükhesablı qələbə qeydə alınıb

Bakıda təşkil olunan minifutbol üzrə dünya çempionatında ilk böyükhesablı qələbə qeydə alınıb.

"Report"un məlumatına görə, Milli Gimnastika Arenasında baş tutan günün dördüncü matçında Ukrayna və İngiltərə milliləri üz-üzə gəliblər.

Britaniyalılar rəqibini 4 cavabsız qolla üstələyib.

Qeyd edək ki, daha əvvəl Portuqaliya Bolqarıstanı (3:1), Fransa Çadı (1:0) məğlub edib. Macarıstan - Türkiyə qarşılaşmasında qalib müəyyənləşməyib - 1:1.

A qrupunda yer alan Azərbaycan millisi saat 20:30-da Bəhreyni sınağa çəkəcək.