Qalib gələ bilmədiyimiz üçün məyusuq.

"Report"un Qəbələyə ezam olunan əməkdaşı xəbər verir, bunu Azərbaycan yığmasının baş məşqçisi Fernandu Santuş UEFA Millətlər Liqasının V turunda Estoniya ilə keçirilən matçdan sonra mətbuat konfransında bildirib.

Təcrübəli mütəxəssis qələbə qazanmaq üçün əllərində gələni etdiklərini bildirib:

"Rəqib komandanın qapıçısı çox yaxşı oyun nümayiş etdirdi. İlk 20 dəqiqə bərabər səviyyədə keçdi. Demək olar ki, hər iki komanda təhlükəli qol epziodları yarada bilirdi. 20 dəqiqədən sonra isə futbolçularım ancaq hücum futbolu nümayiş etdirdilər. Əlimizdən gələni etsək də, qalib gələ bilmədik. Futbolda bu cür nəticələr olur. Futbolçularımız bu oyuna xüsusi yanaşırdılar. Qalib gələ bilmədiyimiz üçün məyusuq. Rəqib komanda çox yaxşı müdafiə olunurdu".

Qeyd edək ki, Azərbaycan yığması C Liqasının I qrupunun oyununda Qəbələdə Estoniya ilə qolsuz bərabərə qalıb.

Oxşar xəbərlər

Fernandu Santuş: "Estoniya ağıllı komandadır, oyunu əks-hücumlar üzərinə qururdu"

Fernandu Santuş: Slovakiyanı əks-hücumlarda yaxalamaq istəyirdik

Fernandu Santuş: "Azərbaycan millisinin heç vaxt qazanmadığı uğurları əldə etməyi planlaşdırmışam"

Azərbaycan millisinin baş məşqçisi: "Hər oyuna qələbə üçün çıxırıq"

Estoniya millisinin baş məşqçisi: "Bu gün qazanılan 1 xalı 3 xala bərabər saymaq olar"