Qadın futbolçulardan ibarət Azərbaycan milli komandasının Avropa çempionatının birinci pley-off mərhələsində Portuqaliya yığmasına qarşı keçirəcəyi ilk oyunun təyinatları açıqlanıb.

"Report" AFFA-nın rəsmi saytına istinadən xəbər verir ki, görüşü Almaniyadan olan Fabyenn Mişel idarə edəcək.

Ona həmyerlisi Melissa Juus və avstriyalı Amina Sara Qutşi kömək göstərəcək.

Dördüncü hakim funksiyasını Karolin Uoker yerinə yetirəcək. VAR hakimləri Katrin Rafalski, Coan Pfayfer olacaq. Xorvatiyalı Blajenka Loqaruşiç hakim-inspektor, monteneqrolu Sanya Boşanats Perişiç UEFA nümayəndəsi kimi təyinat alıblar.

Qeyd edək ki, oktyabrın 25-də "Dalğa Arena"da təşkil olunacaq qarşılaşma saat 16:00-da start götürəcək.

Oxşar xəbərlər

Çempionlar Liqası: “Sankt-Pölten” - "Neftçi" oyununun təyinatları açıqlanıb

UEFA Avropa Liqası: "Qarabağ" - "Malmö" oyununun hakimləri müəyyənləşib

Şimali İrlandiya - Azərbaycan oyununun hakim təyinatları açıqlanıb

Azərbaycan millisinin oyununu qadın hakim idarə edəcək

UEFA Konfrans Liqası: "Omoniya" - "Zirə" oyununun hakimləri bəlli olub