Azərbaycan Premyer Liqasının X turunda 2024/2025 mövsümünün ikinci məhsuldarlığı qeydə alınıb.

"Report" Peşəkar Futbol Liqasının mətbuat xidmətinə istinadən xəbər verir ki, X turda 18 qol vurulub.

“Sumqayıt” – “Turan Tovuz” oyununda altı (2:4), “Kəpəz” – “Qarabağ” matçında beş (0:5), “Neftçi” – “Səbail” görüşündə dörd (3:1) qol qeydə alınıb. Digər iki qarşılaşmada məhsuldarlıq aşağı olub. “Zirə” – “Sabah” oyunu 1:1 hesabı ilə bitibsə, “Şamaxı” – “Araz-Naxçıvan” görüşündə yeganə topa qonaq komanda imza atıb.

Beş oyunda 18 qolun vurulduğu turda orta məhsuldarlıq 3,60-a bərabər olub. Bu, mövsümün ikinci göstəricisidir. Yalnız VIII turda daha çox – 19 qol vurulub.

Qeyd edək ki, mövsümdə 4-cü dəfə orta məhsuldarlığın 3-dən yuxarı olması qeydə alınıb. Bu rəqəm VIII turda 3,80, VII turda 3,40, ilk oyun həftəsində 3,20 olub.

Oxşar xəbərlər

Azərbaycan Premyer Liqasında mövsümün məhsuldarlıq rekordu qeydə alınıb

Azərbaycan Premyer Liqası: XXI əsrdə üçüncü məhsuldarlıq qeydə alınıb

Azərbaycan Premyer Liqasında mövsümün rekordu təkrarlanıb

Premyer Liqa: "Neftçi" VIII turda da qələbə qazana bilməyib

Azərbaycan Premyer Liqasında II tura yekun vurulub