Azərbaycan Premyer Liqasında 2024/2025 mövsümünün məhsuldarlıq rekordu qeydə alınıb.

"Report"un Peşəkar Futbol Liqasına istinadən məlumatına görə, VIII turun oyunlarında 19 qol vurulub.

Orta məhsuldarlıq 3,80-ə bərabər olub. Bununla da ötən turda qeydə alınan rekord yenilənib. Bir həftə əvvəl keçirilən görüşlərdə 17 top vurulmuşdu.

“Qarabağ” – “Sabah” (3:2) və “Araz-Naxçıvan” – “Səbail” (3:2) oyunlarının hərəsində 5, “Şamaxı” – “Turan Tovuz” (2:2) qarşılaşmasında 4, “Zirə” – “Kəpəz” (3:0) matçında 3 qol qeydə alınıb. Ən az top “Neftçi” – “Sumqayıt” (1:1) görüşünə təsadüf edib – 2 qol.

Qeyd edək ki, orta məhsuldarlığın 3,80-ə bərabər olması son üç mövsüm üçün rekordun təkrarıdır. Ötən mövsümün X və XVI turlarında da 19 qol vurulub.

Daha yüksək məhsuldarlığa sonuncu dəfə 2021/22 mövsümünün X turunda təsadüf edilib. Həmin vaxt 4 oyunda məhsuldarlıq 4,25-ə bərabər olub – 17 qol.

Oxşar xəbərlər

Azərbaycan Premyer Liqası: XXI əsrdə üçüncü məhsuldarlıq qeydə alınıb

Azərbaycan Premyer Liqasında mövsümün rekordu təkrarlanıb

Azərbaycan Premyer Liqasının 2024/2025 mövsümünün ilk qolu vurulub

"Sumqayıt" - "Qəbələ" matçında mövsümün rekordu təkrarlanıb

Azərbaycan Premyer Liqasında VII tura yekun vurulub