

Azərbaycan millisinin baş məşqçisi: “Türkdilli Ölkələr Turniri” uşaqlar üçün ilk sınaq olacaq
“U-16 Türkdilli Ölkələr Turniri” uşaqlar üçün ilk sınaq olacaq.
Bunu “Sizinxeber.az”a açıqlamasında Azərbaycanın 16 yaşadək oğlanlardan ibarət yığmasının baş məşqçisi Aqil Nəbiyev “U-16 Türkdilli Ölkələr Turniri” barədə danışarkən deyib.
Mütəxəssis bunun yeni yığılan komanda üçün ilk turnir olacağını söyləyib:
“Uşaqlar haqqında demək olar məlumatımız yoxdur. Baxmayaraq ki, iki günlük seleksiya toplanışımız oldu. Amma oyunları, liqaları izləyirik. “U-16 Türkdilli Ölkələr Turniri”ndə matçlar iki qrupda keçiriləcək. Bizim qrupda Türkiyə və Türkmənistan var. Hansı ki, buna qədər bir neçə turnirdə iştirak ediblər. Digər qrupda Gürcüstan, Özbəkistan və Şimali Kipr Türk Cümhuriyyəti komandaları mübarizə aparacaq”.
Baş məşqçi bəzi futbolçuları komandaya cəlb edə bilmədiklərini vurğulayıb:
“U-17-yə dəvət alacaq futbolçuları bu yarışa aparmayacağıq. Çünki onlar Avropa çempionatının seçmə mərhələsinə hazırlaşırlar. İspaniyada bəzi futbolçularımız var ki, onları dəvət edə bilməmişik. Turnir ərzində uşaqlarla bağlı daha geniş məlumatımız olacaq. Təlim-məşq toplanışına sabah başlayacağıq. İnanıram ki, uşaqlar özlərini yaxşı tərəfdən göstərəcəklər. Onlar üçün beynəlxalq oyun vacibdir”.
A.Nəbiyev rəqiblərdən Türkiyə yığmasının oyunlarını izlədiyini söyləyib:
“Onlarda seçim baxımından problem olmur. Çünki əhali sayı çoxdur, üstəlik, Almaniyada və başqa ölkələrdə yaşayan türklər də var. Onlarda kütləvilik daha çoxdur. Bizdə isə seçim geniş olmur. Bəzi yerli klublardan uşaqları dəvət edə bilməmişik. Ümumiyyətlə, bu tam heyətimiz deyil. Millinin qapısı hər kəsə açıqdır. Bu yaşda olan uşaqların inkişaf dövrüdür. Yeni istedadlar üzə çıxa bilər. Səfərə 23 futbolçu aparacağıq”.
Qeyd edək ki, Azərbaycanın U-16 millisi sentyabrın 29-dan oktyabrın 7-dək keçiriləcək yarışda Türkmənistan və Türkiyə ilə A qrupunda mübarizə aparacaq.
Oxşar xəbərlər
Azərbaycan millisinin "Türkdilli Ölkələr Turniri" üçün heyəti açıqlanıb
Azərbaycan millisinin baş məşqçisi: Qrupda ilk pillələrdə qərarlaşmağa çalışacağıq
Azərbaycan millisinin baş məşqçisi: İspaniyada oynayan futbolçuları toplanışa dəvət edə bilmədik
"Vüqar Həşimov Memorialı"nın direktoru: Turniri yüksək səviyyədə keçirməyə çalışacağıq
Azərbaycan yığmasının baş məşqçisi: Dünya çempionatının seçmə mərhələsində qrupdan çıxacağımızı düşünürəm
Ən son xəbərləri bizim
"Facebook" səhifəmizdə izləyin
Digər xəbərlər
-
Laçın Beynəlxalq Hava Limanının açılış mərasimi keçirilir
-
Ərdoğan: Türkiyə Pakistan və Hindistan arasında atəşkəsi alqışlayır
-
150 çarpayılıq xəstəxananın yaxın gələcəkdə Laçında tikintisi planlaşdırılır
-
Türkiyə Prezidenti Azərbaycana səfərə yola düşüb
-
Prezident: Azərbaycan dövləti və xalqı bu işğalla heç vaxt barışmayıb, biz güc toplayırdıq
-
Ərdoğan: İlham Əliyevin sülhün də memarı olaraq adını tarixə yazdıracağına inanırıq
