İngiltərə Liqa Kubokunun üçüncü raundunda “Mançester Yunayted” evdə “Barnsli”ni darmadağın edib.

“Report” xəbər verir ki, matç “Old Trafford”da baş tutub.

“Qırmızı şeytanlar”ın heyətində “Markus Reşford (16 və 58-ci dəqiqələrdə), Antoni (35, pen.), Alexandro Qarnaço (45+2, 49) və Kristian Eriksen fərqlənib. Beləliklə, Erik ten Haqın yetirmələri İngiltərənin səviyyəcə üçüncü liqasının təmsilçisinə yeddi cavabsız qol vurub.

Premyer Liqa klublarının iştirak etdiyi gecənin digər matçlarında “Kristal Pelas” səfərdə “Kvins Park Reyncers”i məğlub edib (1:2), əsas vaxtda 1:1 hesablı heç-heçədən sonra “Sauthempton” penaltilər seriyasında “Everton”dan güclü olub.

Xatırladaq ki, ötən mövsüm İngiltərə Liqa Kubokunu almaniyalı mütəxəssis Yürgen Kloppun “Liverpul”u qazanıb.

Oxşar xəbərlər

İngiltərə Premyer Liqası: "Mançester Yunayted" qələbə qazanıb

Premyer Liqa: “Mançester Yunayted” səfərdə məğlub oldu, “Aston Villa” vacib qələbə qazandı - VİDEO

İngiltərə Premyer Liqası: "Mançester Yunayted" "Liverpul"la heç-heçə edib

İngiltərə Superkubokunun qalibi bəlli olub

İngiltərə Premyer Liqası: “Çelsi” “Mançester Yunayted” üzərində əzmkar qələbə qazanıb