Fələstin Futbol Federasiyası (PFA) təşkilatın baş katibi Firas Əbu-Hilalın İsrail tərəfindən saxlanılması ilə əlaqədar Beynəlxalq Futbol Federasiyası (FIFA) və Beynəlxalq Olimpiya Komitəsinə (BOK) şikayət edib.

“Report” TASS-a istinadən xəbər verir ki, bu barədə PFA-nın mətbuat xidməti məlumat yayıb.

“Federasiyanın baş katibinin 4 saatdan artıq saxlanılması Olimpiya Xartiyası, bütün beynəlxalq və idman qayda və qanunlarının açıq şəkildə pozulmasıdır. Biz beynəlxalq və regional idman qurumlarının pozuntulara son qoyulmasını təmin etməsini tələb edirik”, - məlumatda bildirilib.

Qeyd edilib ki, bu, baş katibin saxlanılması ilə bağlı birinci hal deyil.

Xatırladaq ki, PFA-nın baş katibi 2026-cı il dünya çempionatının seçmə mərhələsinin oyunlarına hazırlaşan Fələstin yığmasına qoşulmaq üçün oktyabrın 3-də ölkədən çıxarkən saxlanılıb.

Fevral ayında Yaxın Şərq ölkələrinin Futbol federasiyaları FIFA-ya məktub göndərərək İsrail millisinin beynəlxalq yarışlardan uzaqlaşdırılmasını tələb etmişdi. Bu çağırışı 12 federasiya, o cümlədən Fələstin, Səudiyyə Ərəbistanı, Qətər və BƏƏ nümayəndələri dəstəkləyib.

Oxşar xəbərlər

Argentina Futbol Assosiasiyası Olimpiadadakı oyundan sonra FİFA-ya şikayət edib

FIFA Samuel Etoya 6 ay müddətinə Kamerun millisinin oyunlarına getməyi qadağan edib

Səudiyyə Ərəbistanı 2034-cü il dünya çempionatına ev sahibliyi etmək üçün ərizə təqdim edib

Bosniya və Herseqovina Futbol Federasiyası ölkə çempionatının bütün oyunlarını təxirə salıb

Bu gün AFFA-ya yeni prezident seçiləcək