UEFA Çempionlar Liqasının qalibi bu gün Budapeştdə müəyyənləşəcək
sizinxeber.az xəbər saytı

UEFA Çempionlar Liqasının qalibi bu gün Budapeştdə müəyyənləşəcək


Bu gün UEFA Çempionlar Liqasının qalibi müəyyənləşəcək.

"Sizinxeber.az" xəbər verir ki, həlledici görüşdə PSJ "Arsenal"la üz-üzə gələcək.

Görüş Macarıstanın paytaxtı Budapeştdəki 67 min azarkeş tutumuna malik "Puşkaş Arena"da Bakı vaxtı ilə saat 20:00-da start götürəcək. Qarşılaşmanı almaniyalı FİFA referisi Daniel Zibert idarə edəcək.

PSJ tarixində 3-cü dəfə UEFA Çempionlar Liqasının finalında iştirak edəcək. 2020-ci ildə həlledici qarşılaşmada Almaniyanın "Bavariya" komandasına (0:1) yenilən Fransa təmsilçisi ötən mövsüm "İnter"i (İtaliya) 5:0 hesabı ilə məğlub edərək turnirin qalibi adını qazanıb.

Sonuncu dəfə 2006-cı ildə finala yüksəlmiş "Arsenal" isə bu titulu ilk dəfə qazanmaq üçün mübarizə aparacaq. Premyer Liqa təmsilçisi 20 il öncəki matçda "Barselona"ya (İspaniya) 1:2 hesabı ilə məğlub olmuşdu.

PSJ və Arsenal UEFA turnirlərində ümumilikdə 8-ci dəfə üz-üzə gələcəklər. Buna qədər baş tutan 7 matçda komandalar hərəyə 2 qələbə qazanıblar. Qalan 3 görüş isə heç-heçə ilə nəticələnib.

UEFA Çempionlar Liqası

Final

30 may

20:00. PSJ (Fransa) - "Arsenal" (İngiltərə)

Baş hakim: Daniel Zibert (Almaniya)

Oxşar xəbərlər

UEFA Çempionlar Liqasının cari mövsümündə ən yaxşı nəticəni “İnter” göstərib
"Real"ı məğlub edən "Arsenal" tarixi rekorda imza atıb
UEFA Superkubokunun qalibi bu gün müəyyənləşəcək, Elçin Məsiyev dördüncü hakim olacaq
Çempionlar Liqasının qalibi ardıcıl yeddinci il UEFA Superkubokunu qazanır
UEFA Avropa Liqasının 2024/2025 mövsümünün qalibi müəyyənləşəcək

Ən son xəbərləri bizim

"Facebook" səhifəmizdə izləyin

Digər xəbərlər